"عين واحدة" حلم بعدّي فيه مرحلة التمني للفعل. في 6 يونيو الجاي كوكب الزهرة هيعدي من قدام الشمس في ظروف (صعبة جدا) هيبقى قدامنا في مصر ساعة ونص بس بعد الشروق عشان نصور الظاهرة دي واللي اسمها "العبور".. تليسكوباتنا اللي بنبص منها بعين واحدة هنلقط منها صورة تبين قد إيه احنا عايزين نفرق عن اللي قبلينا.. صورة نبعتها من وسط جيل أنبياؤه فقدوا 60 درجة من زاوية رؤيتهم للأمور عشان نزيدهم لعيون أحفادنا اللي هيشوفوا نفس الصورة بعد 100 سنة وخمسة.
صدقني هنثبت إننا "نقدر" نعمل ده بفخر وإحنا واقفين فوق أعلى قمة في مصر.. مصر الجديدة اللي نعرفها. مصريين بمعدات مصرية بيرصدوا عبور على شمس مصر من أرض مصرية.. يمكن مصر كترت قوي في الجملة اللي فاتت لغاية ما بقت زي "أرنبنا في منور أنور" خلي مصر -الجديدة- تكتر.. مصر اللي "تثبت" في الميدان.. خلينا نضحك يا سيدي ما أهو احنا بنضحك عشان منعيطش.
اللي أنا مؤمن بيه إننا هنعمل ده سواء بدعم من حد تذاكر ومعدات وخيام وتوثيق وتصوير أو من غير دعم خالص سواء بدليل بدوي أو متسلق جبال سويسري بنضرب ترامادول أو حتى شيح. الكادر اللي هنحاول ناخده ونثبت فيه اللقطة هيقول عننا كتير قوى يقدر يقول اللي ميقولوش الشعر ولا كتب التاريخ.
فكره جميله يا محمود ومعاك ان شاء الله. بس معتقدش انهم هيدونا فرصه ناخد الكادر المناسب... تقريبا هيبقى فى امتحانات.
ردحذفمبسوط انك هتبقى معايا :)
ردحذفلو حصل تعارض مع جدول الامتحانت واتمنى ده ميحصلش هاطلب تعديل الجدول ولو حتى للمادتين اللي في نفس الاسبوع وهيدعمني في التعديل ده دكتور عبد العزيز ودكتور خالد.. متنساش احتمالية تقديم الجدول لاسباب أو لاخرى زي ما حصل التيرم الأول وربنا يقدم اللي فيه الخير.